Bunaíodh Gael-Taca i 1987. Eagras neamhspleách neamhpholaitiúil é Gael-Taca, le dearcadh dearfach i leith na teangan. Cuid bhunúsach dár bhféiniúlacht féin is ea an Ghaeilge agus cuirimid romhainn dea-thoil a chothú don Ghaeilge trínár gcuid oibre. Beocht na teangan a léiriú, sin is mian linn.
Bímid ag obair le scoileanna, lucht gnó agus an pobal i gcoitinne chun an Ghaeilge a chur os comhair daoine agus a neartú i gCorcaigh mar phríomhchathair na Gaeilge sa Mhumhain.
Tá an teanga ag dul ó neart go neart i gCorcaigh le roinnt blianta.
Cuireann Gael-Taca eolas ar fáil faoi Imeachtaí Gaeilge, Ranganna Gaeilge, Naíonraí, Ciorcail Chomhráidh, Gaelscoileanna, agus i dtaobh rud ar bith a bhaineann le cur chun cinn na Gaeilge.